Windows 8.1 permitirá protexer cartafoles coa nosa pegada dixital

Nos últimos días Microsoft está a detallar distintas melloras que vai incorporar Windows 8.1, e unha das prestacións que poderían ter bastante relevancia é o soporte nativo de lectores de pegadas dixitais, de xeito que Windows melloraría considerablemente o soporte de diversos dispositivos biométricos.
Aínda que en Windows xa podían usarse lectores de pegadas valéndose de controladores e aplicacións de terceiros, ou estarmos agora ante un soporte nativo teriamos que incluso será posible bloquear o contido almacenado en certos cartafoles para que só estea accesible de identificarnos coa nosa pegada, aínda que este tipo de identificación tamén podería ter grande utilidade para identificarse ante certas aplicacións ou para autorizar pagamentos en liña.
Neste momento Microsoft está a traballar con varios fabricantes para avanzar na seguridade biométrica, polo que é de agardar que nos vindeiros meses vexamos portátiles, tablets, teclados e ratos que integren lectores de pegadas como un método sinxelo de identificarnos ante o noso equipo informático.