Twitter celebra os seus 8 anos convidándonos a lembrar o noso primeiro chío

O 21 de marzo de 2006 é cando se considera que botou a andar Twitter cunha mensaxe de Jack Dorsey que dicía “just setting up my twttr”, e para celebrar os 8 anos dese chío e animar aos usuarios de Twitter a facer memoria dan conta dunha ferramenta que facilita lembrar o primeiro chío publicado por cada usuario, á vez que promoven o uso da etiqueta #FirstTweet para dar conta deste repaso histórico.
Agora é posible comprobar cal foi o primeiro chío de cada usuarios de Twitter, o que resulta bastante revelador, pois demostra como nos primeiros anos o uso desta canle de comunicación era moi diferente ao actual, á vez que permite comprobar tamén a tardía que foi a incorporación de moitos usuarios de grande relevancia pública.