Os galegos gastaron menos que a media dos españois nas súas compras en liña

O Observatorio Cetelem e-Commerce vén de someter a análise os gastos dos galegos nas súas compras en liña no pasado ano 2015 en distintos sectores da distribución: electrodomésticos/tecnoloxía, móbel/ descanso, telecomunicacións, deportes, viaxes, reformas, automóbil e moto. O estudo abrangue todo o proceso de compra: o dispositivo empregado para conectarse, o medio de pagamento e o gasto. Así, os electrodomésticos e a informática presentan as intencións de compra máis elevadas por parte dos galegos cun 56%, fronte ao 38% de España. En segundo lugar, os produtos de lecer (entradas, libros, música…) cun 55% de galegos.
Calzado e complementos ocupan o terceiro lugar cun 50% de galegos que empregan Internet para estas compras, moi por enriba da media española que é do 38%.
En canto a bens e servizos máis adquiridos online durante 2015 polos galegos coincide co da media de España pero con porcentaxes diferentes. Os produtos de lecer foron adquiridos polo 61% dos internautas galegos fronte ao 65% da media de España.
De falarmos dos dispositivos empregados nas compras, o computador fixo ou portátil continúa sendo o máis usado (97% de media en España e 96% en Galicia) pero hai que subliñar o incremento dos dispositivos móbiles. As compras realizadas a través do smartphone increméntanse en 8 puntos (un 27% fronte ao 19% do ano anterior), sendo inferiores no caso de Galicia (un 24% de internautas galegos). No caso da tableta, un 13% de españois (fronte ao 10% do ano anterior) declara realizar compras en liña a través deste dispositivo, un 11% no caso de Galicia.
O gasto medio realizado polos galegos nas súas compras online en 2015 foi inferior ao da media nacional, 1.242 euros. No que respecta aos medios de pago, Paypal continúa liderando a listaxe cun 72% de españois, sendo superior o seu uso en Galicia (74%).
No aspecto da seguridade, preguntóuselle aos consumidores para saber se realmente coñecen o comercio electrónico seguro: o termo fintech vén da unión das palabras en inglés finance technology. As empresas fintech son aquelas empresas adicadas a servizos financeiros empregando as últimas tecnoloxías. No caso dos galegos a porcentaxe de coñecemento é igual ao da media (16%).