Provedores TIC galegos recibirán máis de 1,8 millóns de euros do Estado para solucións na nube

Un total de 44 empresas TIC galegas recibirán 1,8 millóns de euros do Programa para o fomento da oferta Cloud, convocado polo Ministerio de Industria, Enerxía e Turismo, a través da entidade Red.es, converténdose así Galicia nunha das comunidades con maior número de beneficiarios, o que dá conta da aposta do sector TIC galego polas tecnoloxías de computación na nube.
Este programa de axudas, en cuxa difusión en Galicia colaborou o Centro Demostrador TIC, permitirá as empresas tecnolóxicas galegas desenvolver proxectos de migración ou desenvolvemento de solucións software para PEME baixo a modalidade de Software as a Service (SaaS), cunha axuda máxima de 60.000 euros e mínima de 25.000 euros por beneficiario.
No Diagnóstico sobre a Sociedade da Información en Galicia: Empresas TIC 2015, publicado polo OSIMGA, puxo de manifesto a posta do sector TIC galego pola computación na nube, así o 39,6% das empresas TIC galegas empregan este tipo de servizos e o 44,9% destas, oferta tamén esta tecnoloxía, xerando por este tipo de produtos e servizos un 27,3% do seu volume de negocio.