Premian a un alumno da USC por ter desenvolvido unha liga do xogo League of Legends

Luis González Toscano, estudante de Administración e Dirección de Empresas da Universidade de Santiago, vén de proclamarase como un dos gañadores da quinta entrega do Concurso de Ideas de Negocio (IDEAE) da Universidade Carlos III de Madrid, unha iniciativa encamiñada a proxectos emprendedores que busca salientar e visualizar as propostas máis orixinais, innovadoras e, ao mesmo, de meirande viabilidade. A idea pola que foi premiado Luís González Toscano, e que desenvolve xunto co seu curmán Luís Mosquera Toscano, é unha liga de usuarios do xogo League of Legends dedicada a todo tipo de usuarios, “especialmente aos que non poden permitirse participar na única existentes xa sexa por falta de recursos ou polo seu nivel de xogo”, informaron.
Sobre as orixes do seu proxecto, están na constatación de que “no panorama dos deportes electrónicos, os chamados e-Sports, unicamente existían algunha ligas profesionais dedicadas aos usuarios de League of Legends”.
Segundo reflicte a USC, en febreiro de 2017 os dous promotores puxeron en marcha a Liga Española de LOL, composta por usuarios de todos os niveis e formada por un total de 88 equipos, once divisións e máis de 600 xogadores que decidiron participar, “aínda que o total de interesados superaba os 800 participantes”, aclara Luis González. A iniciativa contou coa colaboración de importantes entidades como Leverade, Awesome Streamers ou MultiGaming.