Este sábado 25 de maio ao mediodía (ás 12.00 horas) vaise celebra no centro de tecnoloxías abertas A Industriosa, emprazado en Vigo, unha charla impartida por José Luis González arredor do xogo subROV: underwater discoveries, no que o relator está a traballar actualmente, e arredor das súas experiencias como creador de videoxogos. A charla levarase a cabo baixo o epígrafe Diário de Desenvolvemento: A aventura submarina.
José Luis estudou Composición e Piano no Conservatorio Superior de Vigo, e traballou en numerosos proxectos como compositor e deseñador de son. Na actualidade compaxina o seu traballo como freelance co desenvolvemento de proxectos propios, tanto xogos (subROV), como software e hardware libre (por exemplo o sintetizador modular miniMO).
Para participar na sesión debemos realizar unha inscrición (gratuíta) a través de Meetup.
Esta actividade está patrocinada pola Xunta de Galicia e pola Axencia Para a Modernización Tecnolóxica (AMTEGA).
O desenvolvedor José Luis González fará un percorrido na Industriosa pola xénese do xogo subROV
Compartir Este Artigo
-PUBLICIDADE-
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
- A Xunta pon en marcha unha nova edición das Xornadas Sobre Control Parental para fomentar un uso responsable da tecnoloxía
- A comunidade educativa do Colexio Juana de Vega comparte a súa experiencia de ensino híbrido no marco do proxecto E-Dixgal
