O CGES homenaxea a Ramón Bermúdez de Castro, ex decano do COETG

O Consello Galego de Enxeñerías (CGES), do que forma parte o Colexio Oficial de Enxeñeiros de Telecomunicación de Galicia (COETG), homenaxeou a tres dos seus decanos fundadores, que veñen de deixar os seus cargos nos seus respectivos colexios profesionais e tamén no CGES. Desta maneira, Ramón Bermúdez de Castro Olavide, ex decano do COETG e primeiro vicesecretario do CGES, foi distinguido xunto a Ricardo Babío, ex decano do Colexio de Enxeñeiros de Camiños, Canais e Portos de Galicia e primeiro presidente do CGES e Javier Pamies Durá, ex decano do Colexio de Enxeñeiros Navais e Oceánicos e un dos primeiros vogais do CGES.
O recoñecemento tivo lugar na tarde do día 5 de xuño no Club Financeiro Atlántico da Coruña, nun acto ao que asistiron por parte do COETG o actual decano Julio Sánchez Agrelo e o secretario Ricardo Fernández, xunto aos actuais decanos e representantes dos outros colexios profesionais que integran o CGES.