A incorporación de eSIM nos novos iPhone foi unha grande nova, xa que permiten o uso de dúas liñas telefónicas no mesmo dispositivo, pero a súa chegada ao mercado está a ser paulatina, xa que depende do soporte por parte das compañías de telecomunicacións.
Vodafone foi a primeira compañía en dar soporte completo das eSIM para dispositivos de Apple, e Movistar aínda comezou a aceptar as eSIM dos novos iPhone hai menos dun mes, pero o máis curioso foi o caso de Orange, compañía pioneira no uso das eSIM en smartwatches, que parecía ter aos novos iPhone esquecidos, aínda que agora vemos en boa media por que é así, xa que non se limitou a permitir o uso da eSIM contratando un servizo MultiSIM, senón que agora tamén permite acudir a unha tenda Orange e solicitar a substitución da SIM ordinaria por unha eSIM.
Actualmente Orange permite gozar de eSIM cos smartphones iPhone Xs/Xs Max/Xr e cos smartwatches Huawei 2, Samsung Galaxy Watch e Apple Watch (series 3 e 4), podendo os usuarios elixir se gozan desta liña con SIM virtual empregando un servizo de MultiSIM de pagamento ou prescindindo dunha SIM física (evitando así un custo mensual adicional).
Orange por fin soporta eSIM nos novos iPhone
Compartir Este Artigo
- A Xunta pon en marcha a décimo quinta edición de Tecnólog@ por un día para achegar as profesións dixitais ao alumnado galego
- A Axencia para a Modernización Tecnolóxica de Galicia forma en protección de datos a persoas empregadas públicas nun Curso Superior na EGAP
- A Xunta explica o seu modelo de transformación dixital a unha delegación de expertos de Arxentina, Panamá, Uruguai e Guatemala
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
