Mondoñedo dáse a coñecer a través de Realidade Virtual

Os visitantes e residentes de Mondoñedo teñen ao alcance da man un xeito innovador de coñecer o concello lugués: o punto de vista que brindan as novas tecnoloxías e a súa capacidade para facernos ver a realidade dun xeito diferente e ampliado. Isto vén a conto porque o Concello desenvolveu onte uns obradoiros de Realidade Virtual e experiencias inmersivas na Oficina de Turismo. Os talleres incluíron achegamentos a diferentes recantos da localidade a través de dúas quendas: unha ás 12.00 horas e outra pola tarde, ás 18.00.
O obxectivo do Goberno local foi fornecer de “alternativas lúdicas” aos veciños e turistas, para que o seu coñecemento sobre Mondoñedo resultado completo, enriquecedor e, tamén, divertido. A alcaldesa Elena Candia sinalou que se trata dun bo xeito de dar a coñecer a vila dunha maneira distinta ás tradicionais.
A actividades virtuais, para as que foi preciso o uso de lentes 3D, da Oficina de Turismo foron impartidas por Daniel Bou, experto en Realidade Virtual e contidos de experiencia inmersiva.