As achegas que fan as distintas compañías para contribuír na loita contra o coronavirus son bastante desiguais, e no caso de Apple, en vez de limitarse a realizar achegas económicas, decidiron aproveitar a súa cadea de subministros para a fabricación e distribución de máis de 20 millóns de máscaras de protección ocular para traballadores sanitarios segundo anunciou en persoa o propio Tim Cook.
As primeiras unidades teríanse distribuído a semana pasada a centros hospitalarios no val de Santa Clara, estarían fabricadas en EE.UU. e China, e entréganse en caixas nas que as pantallas protectoras veñen en forma plana para minimizar o espazo de transporte, podendo montarse e axustarse cada máscara protectora en menos de dous minutos. Polo momento están a envialas a nos EE.UU., pero teñen a intención de achegalas a outros lugares onde sexan precisas.
Coronavirus Makers Galicia
Cómpre lembrar que en Galicia existen iniciativas semellantes á de Apple, que chega da man de makers voluntarios que coordinados como Coronavirus Makers Galicia están a empregar impresoras 3D para producir material sanitario e equipos de protección individual, centrándose actualmente na impresión 3D de viseiras para a creación de máscaras de protección ocular.
