Presentan o Qualcomm Snapdragon 732G

Qualcomm Technologies presentou hoxe ao sucesor do Snapdragon 730G, o Snapdragon 732G, que basicamente trátase dunha actualización que mellora lixeiramente no apartado gráfico, conseguindo un mellor rendemento en xogos, e que en breve verá a luz no novo smartphone de Poco (lembremos que, aínda que o Poco F2 Pro comercializado en España funcione cun Snapdragon 865, noutros mercados está dispoñible o económico Poco X2 cun Snapdragon 730G).
Dende Qualcomm aseguran que o Snapdragon 732G ten un procesador principal a 2,3 GHz, mentres que no 730G a velocidade era de 2,2 GHz, e a gráfica integrada conseguiría un incremento de velocidade do 15%, evolución pouco significativa, pero que contribúe ao lanzamento de dispositivos renovados sen dar un grande salto de xeracións.
O Snapdragon 732G está asociado ao modem Snapdragon X15 LTE, ou sexa, que soporte configuracións dobre SIM 4G.