EE.UU. podería tomar medidas contra Honor

As restricións impostas a Huawei polas autoridades estadounidenses sempre pareceron desproporcionadas, pero o que resultaba incomprensible é que tras vender a filial Honor a un consorcio de empresas no que claramente está representado o Goberno chinés está compañía segregada puidese evitar as sancións e incluso instalar os servizos de Google nos seus dispositivos, de aí que aspiren a converterse na nova Huawei nalgúns mercados con móbiles impresionantes como o Honor Magic3.
Finalmente as autoridades estadounidenses parecen caer na conta nas súas incongruencias, e estarían a estudar a incorporación de Honor na Entity List do mesmo xeito que Huawei, o que podería pór en serias dificultades á renovada compañía, aínda que iso tamén dependería da flexibilidade das posibles sancións, xa que estas tampouco están a ser nada consistentes (por exemplo, Huawei non ten limitacións para a fabricación de equipos informáticos e tamén pode comercializar móbiles 4G con tecnoloxía estadounidense).
En calquera caso, as sancións que dificultan a fabricación de smartphones por parte de Huawei non terían unha xustificación real, xa que a orde executiva que as establecía buscaba limitar o uso de tecnoloxía de Huawei nas infraestruturas 5G, non na venda de produtos de electrónica de consumo fóra dos EE.UU., polo que a súa desproporción foi evidente, e repetilas con Honor poderían considerar que non estaría xustificado (xa que esta compañía non subministra equipamento para infraestruturas de redes móbiles).