Apple volve a superar os seus records de vendas no último trimestre fiscal

Apple anunciou os seus resultados económicos do trimestre fiscal que rematou o 29 de setembro continuando a súa tendencia alcista, cuns ingresos de 6.200 millóns de dólares que dan lugar a 904 millóns de beneficios trimestrais, que comparados cos ingresos de 4.840 millóns de dólares e uns beneficios de 542 millóns do mesmo período en 2006 confirma a boa saúde da compañía de Steve Jobs.
A empresa vendeu no último trimestre fiscal un total de 2.164.000 ordenadores (400.000 máis que no trimestre anterior), 10.200.000 de reprodutores iPod e 1.119.000 millóns de móbiles iPhone, e aínda que se pode afirmar que os bos resultados son consecuencia do éxito dos iPod e iPhone, parece que os dispositivos multimedia da compañía están a trasladar a súa imaxe de marca ós ordenadores, que volver a marcar un record histórico en vendas.