Google Earth permítenos voar en 3D sobre New York

A posibilidade de ver os edificios das cidades proxectados en 3 dimensións é unha característica que incorporou Google Earth hai tempo, dependendo en boa medida das contribucións dos usuarios, que modelan edificios e monumentos das súas localidades para poder incorporalos ao sistema, e para ilustrar as posibilidades desta plataforma veñen de actualizar o mapa 3D da cidade de New York, e o resultado comparado coa con 2 anos atrás é realmente impresionante, de xeito que agora case temos o escenario dun videoxogo polo que nos podemos mover, cando antes só tiñamos uns poucos edificios en 3D.
Na actualidade están en 3D case todos os edificios da illa de Manhattan, polo que a capa de 3D Buildings de Google Earth nos pode facer sentir coma Spider-Man saltando entre os edificios da metrópole norteamericana.