Kevin Mitnick tivo que acreditar a súa identidade en Facebook

O experto en seguridade informática Kevin Mitnick sería un dos moitos en ter problemas con Facebook debido ao seu nome, pero non porque corresponda a unha marca rexistrada (como a xente apelidada Batman ou Yoda) senón porque os administradores do servizo pensaron que detrás do seu perfil de usuario estaba outra persoa suplantando a súa identidade.
Así, tras 2 anos facendo uso de Facebook, Mitnick tivo que pórse en contacto cos responsables da plataforma de redes sociais (que bloquearan o acceso ao seu perfil de usuario) para acreditar que era quen dicía ser, e que non estaba rexistrado cun nome falso.
Mitnick recoñeceu que a situación causoulle moita frustración porque no pasado era moi coñecido pola súa valía para suplantar outras identidades, e agora tiña problemas para identificarse a si mesmo.