Rematan as vistas do caso contra Pablo Soto

O futuro das aplicacións de P2P en España está de plena actualidade por mor do xuízo a Pablo Soto, ao que as discográficas esixen 13 millóns de euros por danos e prexuízos a causa do uso que fan os usuarios de aplicacións de intercambio de ficheiro desenvolvidas por Soto, coma Manolito P2P, Blubster ou Piolet. Hoxe rematou a terceira xornada do xuízo que tivo lugar nos Xulgados do Mercantil de Madrid, e tras os intensos interrogatorios dos últimos días, todo parece que a historia irá para longo, rematando con toda seguridade no Tribunal Supremo (polo que poderían faltar anos en saber se os desenvolvedores dunha aplicación P2P poderían ter responsabilidade no uso que do seu software fan os usuarios).
A causa é especialmente rechamante por distintos motivos: – os denunciantes utilizaron a vía civil tras os numerosos fracasos no intento de criminalizar o P2P pola vía penal – a acusación pide 13 millóns de dólares por unha violación da propiedade intelectual e por competencia desleal (non xulgándose a tecnoloxía en si mesma) – o informe que estima os danos e prexuízos causados polo software de Soto xeran moita controversia, por asegurarse que métodos moi dubidosos que o 90% das descargas coas ferramentas xulgadas corresponden a arquivos protexidos, mentres confunden contidos dispoñibles con ficheiros descargados – Pablo Soto asegurou á prensa que non se sinte «o heroe das descargas ilegais»
Agora só queda agardar para coñecer a primeira sentencia deste caso que xa alcuman coma o Napster español