Steve Jobs podería reaparecer publicamente a semana que vén

Entre os días 8 e 12 de xuño terá lugar en San Francisco un congreso para desenvolvedores para equipos de Apple (WWDC), e todo apunta a que ese encontro no que o ano pasado presentaran as grandes novidades do iPhone 3G e previsiblemente este ano servirá tamén para presentar unha nova versión (que segundo os últimos rumores chamaríase iPhone Video, para destacar as súas características de gravación e edición de vídeo) contará coa presenza de Steve Jobs, que volvería á súa actividade despois dun período de descanso por motivos de saúde.
A aparición de Jobs presentando un novo iPhone podería servir para tranquilizar aos investidores da compañía e para confirmar o seu retorno á actividade normal no mes de xuño, aínda que non está claro se conservará o peso na compañía, posto que Apple está a buscar sucesores que permitan evitar a excesiva dependencia da figura de un dos seus fundadores.