Facebook estreará nomes de usuario personalizados o vindeiro sábado

Os enderezos web de Facebook para definir perfís de usuario na actualidade son bastante complexos porque identifican ás persoas por longos números difíciles de lembrar, polo que levaba tempo rumoreándose que o servizo podería permitir a elección dun nome de usuario, o que melloraría o posicionamento nos buscadores de moitos perfís de Facebook, a anotación dos perfís en formato físico e outras prestacións que irán incorporándose nos vindeiros días.
Por fortuna, o sistema non será de pagamento como se viña rumoreando, e finalmente o vindeiro prazo comezará a permitirse a personalización do nome de usuario en Facebook, o que levará a moitos a facer cola virtualmente (agardando ao remate dunha conta atrás), para conseguir un destes enderezos web vaidosos.
Os interesados en facerse cun bo nome poderán estar pendentes o sábado da conta atrás para a elección de nomes de usuario en Facebook, o que podería provocar toda unha vaga de peticións dentro dunha plataforma con máis de 200 millóns de usuarios.