2 tendas de PC City farán un casting laboral baseado en videoxogos

A cadea de tendas de informática PC City está a buscar candidatos ao seu posto de Best Player, e para seleccionar candidatos realizarán un casting en Alcorcón e Badalona no que os interesados deberán acudir co seu currículo e os seus identificadores de xogo nas plataformas en liña de Xbox 360 e/ou PlayStation 3, para poder verificar a súa pericia cos videoxogos, o que tamén deberán demostrar practicamente fronte a outros candidatos xogando un partido no Pro Evolution Soccer 9 (PS3) e loitando no Street Fighter IV (Xbox 360), mentres o persoal da tenda toma nota das habilidades dos competidores e do seu comportamento.
Resulta curioso ver coma un posto laboral (inicialmente para un contrato de 3 meses con posibilidade de transformarse en indefinido) decídese mediante unha fórmula semellante á dunha competición de videoxogos, aínda que parece lóxico se entendemos que o traballo que realizarán os seleccionados estará moi ligado á organización de torneos, así como a retar aos invitados da tenda a botar unhas partidas e contar as súas experiencias e impresións nun blog creado a tal efecto.