Caixa Galicia permitirá mercar cupóns Paysafecard nos seus caixeiros

Caixa Galicia será a primeira entidade bancaria europea en comercializar cupóns prepago para realizar compras a través da Internet e que poderán adquirirse nos 950 caixeiros da entidade galega distribuídos por toda España.
Os cupóns do servizo Paysafecard permiten efectuar operacións en liña de xeito cómodo e seguro, non precisando de dar información persoal ou bancaria, e que ata o momento só podían mercarse en oficinas de Correos, Telecor, Opencor e quioscos, pero grazas aos caixeiros ábrese a posibilidade de adquirir os cupóns sen límites horarios.
O sistema de pagamento Paysafecard é aceptado por máis de 2.700 tendas en liña, aínda que practicamente a única tenda virtual coñecida que emprega esta plataforma parece ser Amazon no Reino Unido, aínda que de xeito indirecto (para mercar certificados de regalo).