Peugeot podería introducir Wi-Fi nos seus vehículos

O Peugeot 5008 é un novo vehículo que estes días pódese ver no salón do automóbil de Fráncfort, e que destaca polo seu grande equipamento tecnolóxico, pois está dotado de 2 pantallas de 7 polgadas nos repousacabezas dos asentos dianteiros (que poden utilizarse de xeito independente, un panel para o condutor (que presenta datos como a velocidade actual, o limitador de velocidade e a información sobre a distancia que nos separa do vehículo que nos precde), o equipo multimedia WIP Sound (composto por un radio CD con MP3 e toma auxiliar e WIP Connect (sistema que achega mans libres Bluetooth e unha conexión USB).
Non falta unha pantalla dianteira de 7 polgadas para a navegación GPS (integran un disco duro de 30 Gb coa cartografía europea e 3D, lector de DVD, lector de tarxetas SD, mans libres Bluetoothe incluso un módulo GPS con lector de tarxetas SIM (que pode empregarse para chamar ao servizo Peugeot Urgence en caso de accidente.
De todos os xeitos, a prestación que está a resultar máis rechamante nos últimos días e a tecnoloxía Wi-Fi On Board, que permite compartir unha liña de banda larga móbil (3G) entre varios equipos mediante tecnoloxía sen fíos, o que parece unha boa opción para as viaxes familiares e outros momentos puntuais.