O 23% dos móbiles españois son intelixentes

Os smartphones están a ter unha grande aceptación en España, o que non debería ser un dato sorprendente se non fose porque a consultora Nielsen sitúa ao noso mercado no de maior penetración de teléfonos intelixentes no mundo despois de Italia, de xeito que o 23% dos móbiles españois serían terminais avanzados.
O estudo tamén reflicte un crecemento deste tipo de móbiles a nivel mundial nun 72% interanual, chegando a un 17% de media, polo que comezan a ter un peso importante.