Un avogado consegue a devolución do canon dixital

O avogado Joaquín Moeckel conseguiu que o Xulgado do Mercantil nº 1 de Sevilla condenase a un comerciante a devolverlle 1,12 euros correspondentes ao canon dixital por 4 CD que demostrou que non eran empregados para exercer a copia privada. Aínda que a cantidade económica é ridícula, con este resolución xudicial entendemos que tamén outros profesionais coma avogados, procuradores ou médicos poderían solicitar a devolución do canon dos seus soportes de datos empregados par a copia de documentos de carácter público.
Moeckel insta «á avogacía de toda España a que a partires de agora non acceda ao pagamento dun canon que encarece o custo da Xustiza», destacando que dos 0,45 euros que pagou por cada CD, 0,28 eran en concepto de canon dixital, o que supera a metade do prezo do produto, o que podería considerarse abusivo (especialmente se o disco non estará destinado á copia de contidos protexidos por dereitos de autor).