Vodafone podería vender o iPhone en España a partires do verán

Esta mañá o blog Xataka anunciou en primicia que Vodafone vai incorporar no verán ao seu catálogo de produtos o iPhone, de xeito que deixaría de comercializarse en exclusiva a través de Telefónica, aínda que nos últimos días tamén apareceron rumores de que Orange podería vender a partires do mes que vén o iPhone 3G (non o 3GS), polo que parece só cuestión de tempo que a venda do iPhone en España sexa coma nos países do noso contorno, no que varias operadoras ofrecen o terminal asociado a tarifas planas de datos ou incluso libres (no caso de Italia).
Queda agora por concretar se Vodafone e/ou Orange comercializarán tamén o novo iPhone que presumiblemente poríase á venda o vindeiro verán, ou Apple permitirá gozar a Telefónica cunha fiestra de protección para o novo modelo.