As salas Yelmo Cines Espacio da Coruña e Yelmo Cines de Vigo van retransmitir este venres 9 de abril o festival colectivo programado en Madrid para homenaxear a figura de Antonio Vega, un dos artistas máis sobranceiros da súa xeración (a que xurdiu da Movida Madrileña) e recentemente finado tras moitos anos de complicacións de saúde derivadas en boa medida da súa adicción ás drogas. O festival, que se celebra baixo o epígrafe Viva Antonio!, retransmitirase nas ditas salas galegas en pantalla xigante, con alta definición, en directo e a través de vía satélite.
A idea da firma Yelmo é aproveitar as novas tecnoloxías da telecomunicación e do audiovisual para ofrecer unha alternativa a quen non poida desprazarse ata Madrid para asistir aos concertos, que comezarán ás 22.00 horas. Estes, por certo, contarán coa presenza de ata 25 artistas de todo o Estado español, entre os que se contan El Gran Wyoming, Miguel Ríos, Manolo García, Quique González, Burning ou os galegos Cómplices e Germán Coppini.
As salas Yelmo da Coruña e Vigo retransmiten vía satélite o concerto de homenaxe a Antonio Vega
Compartir Este Artigo
- Preto do 70% das empresas tecnolóxicas galegas emprega a intelixencia artificial ou incorpóraa aos seus produtos e servizos
- A Xunta e as empresas do Novo Pacto Dixital comezan o traballo para a especialización de Galicia en Tecnoloxía
- Os centros educativos galegos poden inscribirse ata o 5 de outubro na VI edición de ‘Ciberseguridade no Cole!’
- A Xunta destaca o modelo de goberno da IA en Galicia, que garante a reserva de humanidade, a transparencia e o control dos sistemas que emprega a Administración
