Modernización publica o seu programa de axudas ao sector TIC no DOG de hoxe

O programa de axudas deste ano ao sector TIC, segundo publica hoxe o Diario Oficial de Galicia (DOG) e tal e como temos anunciado en Código Cero en anteriores ocasións, conta cun orzamento de preto de 10 millóns de euros repartidos en catro liñas de actuación, que servirán, entre outras cousas, para apoiar ao sector das Tecnoloxías da Información e a Comunicación do noso país así como ás empresas dixitais instaladas aquí.
“fomentar o desenvolvemento do sector empresarial da sociedade de información e a empresa dixital cunha dotación económica de 8 millóns de euros”; quedando dous millóns de euros máis para destinar ao fomento dos contidos dixitais e ás entidades sen ánimo de lucro.
En concreto, o departamento que dirixe Mar Pereira, destinará 5.375.748 euros a subvencionar proxectos de cooperación para o fomento da empresa dixital, sen deixar de lado outras actuacións subvencionables, tanto na demanda empresarial en solucións TIC como na resposta tecnolóxica en solucións TIC para as empresas galegas que o soliciten.
Asemade, a Secretaría Xeral de Modernización potencia o desenvolvemento do sector empresarial da sociedade da información cunha achega de 2.550.000€ euros. Esta convocatoria contempla dúas liñas de axudas, a das capacidades TIC, para que as empresas poidan ofrecer mellores produtos e servizos apoiando a certificación en normas de calidade, e a dos desenvolvementos TIC, para que as entidades poidan desenvolver novos produtos e servizos que sexan propiedade do solicitante e que estean suxeitos a un pago por uso, licenza e adquisición ou posterior personalización por parte de terceiros.