KOOMIC estrearase este mes como unha tenda española de cómic dixital

O Saló del Còmic de Barcelona ten este ano un expositor dedicado a KOOMIC, unha nova iniciativa que proclámase como a primeira tenda española dedicada exclusivamente á venda de cómic dixital que estará dispoñible para o público a finais de mes cuns 60 títulos (na versión de proba que pode verse actualmente só hai 15 títulos), e que venderá comics en formato ePUB a través da web (para a súa lectura el ordenadores e eReaders) e tamén a través de aplicacións para iPhone e iPad, facendo especial fincapé neste último trebello, que consideran que é un importante catalizador para que o sector da banda deseñada dea o salto ao mundo dixital. Resulta destacable o feito de que KOOMIC non centre o seu negocio só na venda de exemplares soltos, senón que tamén permita a subscrición.
A nova tenda virtual gozará de contidos en español, e incluso hai varias editoriais españolas que están a dixitalizar os seus comics para a súa incorporación a KOOMIC. Amais, algúns títulos veranse mellorados con contidos extras e incluso con Anikoomics (formato intermedio entre o cómic e a animación) e incluso Anikoomics en 3D estereoscómico, dotando ás historias dunha nova dimensión.
Para a dixitalización de comics e a súa adaptación de contidos a formatos multimedia tamén nace EsdeCómic, empresa con capital 100% catalán, froito da colaboración de SD Distribuciones e Estudio Fénix, que ofrecerá ás editoriais un servizo integral que leve os comics á pantalla non só para os soportes actuais, senón tamén para os futuros, pretendendo semper unha lectura óptima das obras.