Confirman que Windows 8 chegará ao mercado en outubro

Hoxe botou a andar en Toronto o Worldwide Parner Conference de Microsoft, evento no que Tami Reller, vicepresidenta de Microsoft e directora financeira da división de Windows, dirixiuse a socios de Microsoft a nivel mundial para transmitirlles detalles sobre os vindeiros pasos da súa compañía como que durante a primeira semana de agosto faralles chegar copias RTM de Windows 8, mentres que ao público xeral non estará dispoñible ata finais de outubro, o que significa que en tal mes será posible adquirir Windows 8 e Windows RT en 109 idiomas e 231 países.
Reller tamén anunciou que Windows 7 está a confirmarse como o sistema operativo máis vendido da historia, con máis de 630 millóns de licenzas vendidas ata o momento, estando xa presenten en máis da metade dos escritorios informáticos corporativos.