Apple supera os 600.000 millóns de dólares en capitalización bolsista

O pasado venres a cotización bolsista de Apple acadou o seu máximo histórico, cun prezo por acción de 648,11 dólares, de xeito que sumaría unha capitalización de mercado duns 607.640 millóns de dólares, grazas a que as súas participacións medraron en valor un 57% no que vai de ano, deixando claro que a ausencia de Steve Jobs como cabeza visible da compañía non despoxa á marca da súa posición privilexiada no sector tecnolóxico.
Este bo resultado chega a poucas semanas da presentación da nova xeración do iPhone e ante os rumores dun posible iPad mini, produtos que poderían permitir á compañía seguir na mesma liña ata converterse na primeira empresa valorada nun billón de dólares (aínda que aínda falta moito para que as súas participacións cheguen aos 1.072 dólares).