2 millóns de Nintendo Wii no día do seu lanzamento

Nintendo anunciou que o lanzamento da súa nova consola de videoxogos doméstica contará con máis unidades das estimadas, de xeito que en vez de comezar a súa venda con 1 millóns de unidades, poderán enviar 2 millóns, o que reducirá os problemas de abastecemento iniciais da consola (pois nos primeiros días de venda é habitual a compra masiva por parte dos xogadores máis entusiastas).
Amais, os usuarios que non merquen a Nintendo Wii nos primeiros días poden estar tranquilos, xa que Nintendo pretende pór no mercado entre 7 e 9 millóns de unidades antes de rematar o ano.