Operadores europeos comprométese a protexer ós menores perante o uso do móbil

Logo de preto dun ano de negociacións entre os dezasete operadores móbiles da UE e varias ONGs, vense de formalizar en Bruxelas un acordo marco entre quince operadores e a Unión Europea que pretende garantir un emprego responsable da telefonía móbil por parte dos menores de idade, así como unha meirande protección dos mesmos. O documento (podemos ver detalles del en pdf na web de Telefónica, operadora participante no proxecto), que se asinou coincidindo coa cuarta edición do Día pola Seguridade en Internet, contén recomendacións orientadas a garantir que os nenos e mozos poidan dispor de contidos controlados nos seus teléfonos móbiles, tales como: procurar a implicación responsable e directa dos pais e educadores así como das administracións, as ONGs e os propios proveedores de contidos ou informar ós usuarios e educalos no bo uso do móbil.