Obradoiros de balde para crear un curso virtual

O vindeiro 30 de marzo agárdase a liberación definitiva da versión 1.8 de Dokeos LMS, un sistema de xestión de aprendizaxe de software libre (susceptible de ser mellorado pola comunidade que o empregue). Dokeos e máis os seus socios están a convidar a todos aqueles interesados en traballar co novo software Oogie Rapid Authoring a participar nunha serie de obradoiros de balde, nos que se lles ensinará ós asistentes a montar un curso virtual totalmente operativo de xeito rápido e sinxelo, empregando con este fin tan só unha presentación de diapositivas. En Mi curso virtual en 3 horas os participantes traballarán sobre a versión BETA 3 (que estará dispoñible en liña para os interesados). Para solicitar máis información ou inscribirse nun obradoiro, os interesados teñen á súa disposición estes enderezos: info.es@dokeos.com e info@contidosdixitais.com.