Lalinpress: nova axencia galega de prensa e imaxe operando dende Madrid

As páxinas de moitos galegos que viven fóra da súa terra son en moitas ocasións coma pontes ou ligazóns entre o espazo do que proceden e o que lles acolle agora. É o caso de Lalinpress, unha axencia de novas e fotografías de sociedade e actualidade posta en marcha polo galego Manuel Seixas dende Madrid e que conta tamén cunha delegación en Galiza, concretamente en Lalín. A web, actualizada tódolos días, céntrase sobre todo en achegar á comunidade internauta documentos gráficos sobre eventos vinculados ó cine, á moda ou á televisión e, principalmente, protagonizados por persoas da nosa terra. O proxecto aínda está en fase de desenvolvemento e en breve será incorporado un servizo de vídeos.