Este mes terá lugar un seminario de estratexia dixital para empresas na Coruña

O vindeiro día 22 de 17:00 a 20:00 horas a Cámara de Comercio da Coruña organiza un seminario titulado Estratexia Dixital para Empresas: Como Conseguir Clientes e Evitar Litixios na Internet, impartido polo experto en estratexia dixital Francesc Pumarola Campeny e o avogado Víctor Salgado Seguín, que busca formar dun xeito práctico a empresarios en xeitos de dar a coñecer o seu negocio a potenciais clientes a través da Rede á vez que coñezan aspectos chave para evitar riscos xurídicos innecesarios.
Esta xornada ten un custo de 25 euros, agás para os socios da Cámara coruñesa, que poderán participar de balde. A actividade desenvolverase seguindo o seguinte programa:

• 17:00 – 18:30: Estratexia dixital na Internet:
  1. Chaves para a correcta xestión dunha web de empresa
  2. Como aparecer en Google
  3. Para que son útiles as redes sociais
  4. Publicidade dixital
  5. Reputación en liña e xestión de crise

18:30-18:45: Pausa.

18:45 – 20:00: Como cumprir a lei e protexer o meu negocio en Internet

1. Obrigas legais que debo cumprir se teño unha Web?
2. Protección de datos e políticas de privacidade.
3. Normativa de publicidade e mercadotecnia en liña.
4. Como protexo a miña marca na Rede?
5. Como me protexo nas Redes Sociais? Imaxe, honra e reputación dixital