Yoigo subvencionará terminais móbiles durante o Nadal

Cando parecía que a subvención de terminais móbiles era cousa do pasado, chega Yoigo e celebra o Nadal melloran a súa oferta de renovación de terminais para os seus clientes de contrato, reducindo o seu prezo ata máis de 100 euros, sendo posible atopar de balde móbiles como o Samsung Galaxy Mini, o Alcatel One Touch 991, o Huawei Ascend G300 ou o Sony Xperia Tipo (cando antes estaban no contorno dos 100 euros). Os prezos son diferentes para cada cliente dependendo de distintos factores como a súa antigüidade ou o seu consumo medio.
Dende este venres, ato o 31 de decembro, Yoigo tamén ofrecerá o Samsung Galaxy Mini e o Sony Xperia Tipo totalmente subvencionados para portabilidades de contrato a contrato para calquera tarifa, á vez que o Samsung Galaxy S III Mini sairía a 0 euros de pagamento inicial e 24 mensualidades de 10 euros.
En vista de todo isto, dá a impresión de que os usuarios que desexen mudar de terminal teñen que estar constantemente pendentes das ofertas das distintas compañías, pois a subvención de móbiles está a ser intermitente, e atinar co momento axeitado pode supor un importante aforro.