Audi lanza unha aplicación gratuíta de asistencia en estrada para smartphones

Audi vén de introducir unha nova achega tecnolóxica nos seus vehículos, falamos da Audi Asistencia, unha aplicación gratuíta para móbiles intelixentes que permite conectar de contado e de xeito sinxelo co Servizo Oficial máis próximo ou co Servizo de Asistencia Audi Class, no caso de accidente ou avaría. Con esta aplicación, a marca dos catro aros quere subliñar a súa preocupación pola atención personalizada e facela compatible cos móbiles intelixentes ou smartphones.
Asemade, con esta achega o cliente poderá gozar dende o móbil das prestacións do Servizo de Mobilidade Audi Class, ou das coberturas do Servizo de Reparación de Carrozaría de Audi. No caso de accidente ou avaría, a dita aplicación permitirá ao usuario xeolocalizar a súa posición nun mapa respecto dos Servizos Oficiais Audi máis achegados para pedir axuda, e chamar ao centro seleccionado ou ao Servizo de Asistencia Audi Class (cun tempo máximo de espera de 30 minutos). O usuario poderá ver nun mapa todos os talleres da rede Audi que hai nos arredores, coa distancia exacta á que se atopan e todos os detalles de contacto. Amais disto, poderanse seleccionar talleres de preferencia, ou acceder á información detallada de todas as coberturas dos servizos de mobilidade e asistencia de Audi. Dicir que esta ferramenta atópase dispoñible as 24 horas durante os 365 días do ano e con cobertura en toda Europa. Engadir que os clientes de Audi Class e os seus acompañantes gozarán doutras coberturas como: servizo de traslado, aloxamento en hotel de 4 estrelas e xestión dos trámites relativos á reparación do vehículo.
A Audi Asistencia pódese descargar de balde nas tendas online de Apple e Android, así como na páxina web www.audi.es sendo válida para dispositivos iPhone con sistema operativo IOS 5.0 ou superior, Blackberry 7.0 e Android 2.3.