Tecnocom encargarase do mantemento informático das oficinas de Turespaña no exterior

O Ministerio de Industria, Enerxía e Turismo adxudicou a Tecnocom o novo Servizo Unificado de Atención a Usuarios Finais e Mantemento Microinformático do Ministerio de Industria e do Organismo Autónomo Turespaña. O proxecto considera, ademais, a atención a usuarios finais e o mantemento microinformático da rede de Oficinas Españolas de Turismo no estranxeiro (OET), dependentes de Turespaña. O contrato ten un importe de 1.153.960 € cunha duración de dous anos prorrogables.
A unificación dos Servizos de Atención a Usuarios e Mantemento Microinformático forma par-te dunhas medidas de aforro en liña cos proxectos de consolidación e racionalización impulsados polo Goberno no marco da CORA (Comisión de Reforma das Administracións Públicas), sendo este proxecto un precedente de uso eficiente de servizos comúns e reutilización de recursos públicos. Neste sentido, o contrato considera a mellora do tempo dispoñible dos usuarios finais da rede de Oficinas Españolas de Turismo (OET). Para iso, establecerase un Único Punto de Contacto (SPOC) para todos os usuarios, xestionado por Tecnocom, que se encargará das relacións con provedores e resto de grupos, liberando o Ministerio de Industria destas tarefas e dos problemas asociados.

Con este proxecto, Tecnocom como novo socio tecnolóxico do Ministerio de Industria, prestará soporte e apoio a máis de 2.500 usuarios en Servizos Centrais, Xefaturas Provinciais de Inspección das Telecomunicacións e os Servizos Centrais de Turespaña. Así mesmo, atenderá a rede das 33 oficinas de Turismo que o Instituto de Turismo teñen o mundo cun servizo 24 x 7.
O Modelo de Servizo é o dun Centro de Atención a Usuarios (CAU) con cobertura 7 x 24, na modalidade de Único Punto de Contacto (SPOC), Multicanle, aliñado á Función de Service Desk (segundo metodoloxía ITIL v3), para atender todas as solicitudes de servizo dos usuarios (consultas, incidencias, peticións) a nivel técnico e relacionadas co ámbito TIC.
O CAU tamén se encargará da categorización, resolución, escalado, e seguimento de todos os casos rexistrados no sistema de xestión. A súa posta en marcha basearase nas mellores prácticas ITIL para definir o proceso de Xestión de Incidencias que mellor se adapte ás necesidades do servizo requirido en cada momento polo Ministerio.
Tecnocom asignará un equipo directo para o servizo con técnicos de soporte On Site de primeiro e segundo nivel e un coordinador técnico en cada un dos dous edificios, para asegurar o cumprimento dos Acordos de Nivel de Servizo así como un xefe de proxecto e 3 Técnicos de Atención a Usuarios de Primeiro Nivel en sede de Tecnocom.