A Factoría da Innovación da Coruña lánzase nunha xira pola provincia

A Factoría de Innovación da Coruña vaise de xira. Máis polo miúdo, trátase dunha serie de xornadas informativas sobre a actividade de seu, a desenvolver os vindeiros días nos concellos de Boqueixón, Ordes, Santiago de Compostela, Curtis, Cee, Cerceda, Oza-Cesures e As Pontes. O obxectivo é presentar a profesionais e PEME locais as actividades que porá en marcha a Factoría para desenvolver “o seu potencial innovador”. Durante os encontros, darase a coñecer o seu programa de adestramento individualizado, unha actividade dirixida a achegar asesoramento a máis de cen empresas para que sexan quen de materializar cadanseus proxectos de innovación. A meta é acadar que sexan máis rendibles e competitivas.
Ademais, tamén se explicará “o amplo programa de actividades en aberto que a Factoría de Innovación levará a cabo na provincia da Coruña, para reforzar a capacidade innovadora das empresas, favorecendo a implantación de iniciativas de I+D+i que dinamicen o seu actividade e melloren os procesos de produción e xestión”.
Programa de actividades
Mércores, 5 de marzo – 17:00 horas – Casa do Concello de Boqueixón (Boqueixón)
Mércores, 5 de marzo – 20:00 horas – Casa da Cultura de Ordes (Ordes)
Xoves, 6 de marzo 17:00 horas Edificio FEUGA (Santiago de Compostela)
Xoves, 6 de marzo – 20:30 horas – Recinto Feiral de Curtis (Curtis)
Martes, 11 de marzo 17:00 horas Concello de Cee (Cee)
Martes, 11 de marzo 20:30 horas Centro Cívico (Cerceda)
Mércores, 12 de marzo 20:30 horas Sede do Concello de Oza (Oza)
Xoves, 13 de marzo 20:00 horas Polígono Industrial Penapurreira (As Pontes)