Microsoft espera pechar a compra de Nokia o mes que vén

Aínda que a compra dos negocios de servizos e dispositivos de Nokia a Microsoft a esteamos considerar como algo feito, aínda faltan algunhas autorizacións para que a operación poida consolidarse, e hoxe ambas compañías anuncian que prevén que a transacción poida completarse durante o mes de abril (cun lixeiro retraso sobre a data prevista cando se anunciou a adquisición o pasado mes de setembro).
As autoridades de Europa e EE.UU. non se opuxeron á compra de boa parte de Nokia por Microsoft, pero aínda están pendentes algunhas aprobacións por parte de autoridades asiáticas, que espéranse para os vindeiros días. Un dos países onde habería problemas sería a India, onde Nokia insiste en que os conflitos en tal país non afectarán aos termos do acordo de compra.
Espérase que esta operación sirva para acelerar a actual estratexia de Microsoft de dar prioridade os seus negocios móbiles e de servizos na nube, agardándose que tamén sexa de grande utilidade á hora de impulsar a evolución de Windows Phone e a integración de servizos de Microsoft en dispositivos móbiles.