O 83% dos españois mercará pola Rede este Nadal

Achégase o Nadal e quen máis quen menos vai mercar algún produto a través de Internet. Segundo estudos recentes de Webloyalty este “quen máis quen menos” ten cifras concretas: no caso do ámbito estatal, oito de cada dez persoas. A porcentaxe exacta para España é do 83%. A nivel europeo, falamos do 85% dos habitantes da contorna da UE. No que atinxe a xéneros, as mulleres terán meirande protagonismo, aínda que só nun único índice: un 83% (elas) fronte a un 82% (eles). Neste senso, cómpre sinalar que os hábitos de facermos a compra nas Rede estanse estendendo sen distincións de sexo: estanse estendendo a todo o conxunto da poboación. O estudo de Webloyalty estima que o 39% dos europeos gastará máis de 200 euros.
Por artigos, os máis buscados e vendidos nesta campaña en liña de Nadal serán os xogos e xoguetes (un dato que fai que cobre aínda máis importancia a campaña posta en marcha pola Deputación de Pontevedra da que falamos hoxe), seguidos de produtos téxtiles (moda, accesorios, complementos) e produtos de índole cultural (libros, libros electrónicos, cómics e demais).