Orange supera os 500 Mbps de descarga por 4G en Barcelona

Nas instalacións dos Orange Labs que veñen de abrir as súas portas en Barcelona desenvolveron probas piloto de comunicacións 4G+ utilizando LTE Advanced nas bandas dos 2.600, 1.800 e 800 MHz simultaneamente na modulación de sinal 256QAM sobre equipos de tecnoloxía Ericsson conseguindo superar a barreira dos 500 Mbps nunha conexións de datos móbiles, sendo a primeira vez que se consegue algo semellante en España, e demostrando que o 4G aínda ten bastante vida por diante, con velocidades de conexión impresionantes, que chegan incluso a superar a oferta comercial actual da fibra óptica.
Actualmente esta tecnoloxía móbil estaría dispoñible en Madrid e Barcelona, e conseguiría estas velocidades avanzadas grazas á agregación de 3 bandas (en vez das 2 que fai o 4G+ actual) pero falta agora que cheguen terminais que poidan tirar proveito deste tipo de comunicacións.