O anuncio de que o proxecto de coches autónomos de Google deixaba Google X para dar lugar á empresa Waymo viña acompañado por rumores que apuntaban a que estarían a piques de facer realidade unha frota de minicaravanas producidas por Fiat Chrysler, e o director xeral de Waymo, John Krafcik, foi o encargado de confirmar tal, publicando un artigo no que permite que deamos unha primeira ollada aos minicaravanas híbridas Chrysler Pacifica.
Está previsto que no mes de maio se poña en circulación unha frota dun cento de vehículos, en varios mercados de probas, para así poder analizar como unha grande diversidade de xente reaccione ante a tecnoloxía de vehículos totalmente autónomos.
Estes vehículos levan medio ano en desenvolvemento, para o que modificaron un Chrysler Pacifica Hybrid para incorporarlle a última tecnoloxía de condución autónoma, con numerosos sensores e sometendo a rigorosas probas os prototipos antes de iniciar a súa produción final, sempre cunha estreita colaboración entre Waymo e Fiat Chrysler que permitirá que en 2017 poidan verse as novas minicaravanas nas estradas de California, Washington, Arizona e Texas.
Waymo amosa os vehículos autónomos que desenvolveu con Chrysler
Compartir Este Artigo
- Unha de cada catro empresas galegas con dez ou máis persoas empregadas utiliza intelixencia artificial
- O VI Encontro CIBER.gal, que se celebrará do 4 ao 6 de novembro na Cidade da Cultura, abriu o prazo de inscrición
- A Xunta destaca o papel das telecomunicacións como ferramenta para garantir a seguridade das persoas e do territorio
- A Xunta pon en marcha a décimo quinta edición de Tecnólog@ por un día para achegar as profesións dixitais ao alumnado galego
