A Deputación de Pontevedra acolle unha charla sobre ciberseguridade para a rapazada
mércores, 8 de febreiro do 2023
En
pleno ecuador da Tecnolóxicas
Week,
o salón
de plenos
da
sede da Deputación de Pontevedra encheuse este mércores 8 de
febreiro ao
abeiro da nova
actividade impulsada pola entidade
provincial
e ASIME para fomentar as vocacións técnicas entre a xente nova, con
especial fincapé nas nenas e rapazas. Máis de 150 alumnos dos
institutos Valle Inclán e Sánchez Cantón de Pontevedra asistiron á
charla sobre ciberseguridade impartida por Belén Pérez, CISO (Chief
Information Security Officer)
de Nova
Pescanova e coordinadora en Galicia do CCI (Industrial
Cybersecurity Center).
A presidenta provincial,
Carmela Silva, asistiu a esta acción que forma parte dos 10 eventos
programados ata o venres en concellos das 10 comarcas da provincia,
xusto antes do Día Internacional da Muller e da Nena na Ciencia que
se celebra este mesmo sábado.
A
presidenta asegurou
que “estamos moi expostas e expostos ás redes sociais e os nosos
datos poden empregarse para fins negativos”, polo que “é
fundamental que na actividade educativa estea a realidade do mundo,
porque é tecnolóxico e a intelixencia artificial é algo do
presente”, reflexionou.
A
tecnóloga Belén
Pérez
baseou a súa charla en catro alicerces: a identificación dos riscos
no uso global das tecnoloxías da información e comunicación, os
riscos e consecuencias do seu mal uso, a identificación de pautas
para actuar e a adquisición de bos hábitos no seu uso. En canto aos
perigos, salientou a tecnoadicción, considerada xa unha enfermidade
pola Organización Mundial da Saúde. Segundo
dixo,
España é o país con maior proporción de adolescentes con
tecnoadicción: afecta a arredor do 1,5% e 70.000 menores. Contra
iso, asegurou, “debemos dosificar o seu uso” xa que se non,
ademais de caer en posibles adiccións, “convertémonos nunha
prolongación da tecnoloxía cando esta debería ser unha ferramenta
de axuda para nós”.
No
marco da Tecnolóxicas
Week,
tamén hoxe en Deza
alumnado de 3º e 4º de ESO e FP de Silleda está a visitar as
empresas Industrias Guerra e Sotega Noroeste S.L. Este
xoves 9 de febreiro
é a quenda de Cangas, onde Eliana Pardo (Business
Development Manager
de RIA 21) imparte unha charla sobre ciberseguridade para alumnado da
ESO no Salón de Actos do Concello; e o Grove, cuxa Casa do Concello
acolle de 17:00 a 18:00h un workshop
de programación informática para nenos e nenas de 8 e 9 anos. Por
último, as actividades rematan o venres nas comarcas de Ulla-Umia
e Vigo:
alumnado de Valga de 3º e 4º de ESO e FP visitará a empresa
Extrusionados Galicia, e a sede de Vigo da Deputación acollerá ás
11:00 horas unha mesa coloquio con Amparo Alonso, Catedrática e
Investigadora en Intelixencia Artificial da UDC;
Lorena Rosende, directora
executiva
de Itera Técnica; Marta Fernández, xefa
de proxectos
de Gestamp e Icíar Balza, do Grupo Gonvarri Industries.