A aplicación de Facebook para Android recibe os artigos instantáneos
mércores, 16 de decembro do 2015
En maio Facebook comezou a experimentar coa integración
de artigos de prensa na súa aplicación móbil, nos chamados Instant
Articles, buscando asà que os usuarios non teñan que deixar a
aplicación de Facebook para ler as novas e ofrecendo adicionalmente un formato
de contidos atractivo no que as publicación poidan introducir publicidade, de
xeito que se consegue un dobre obxectivo: reter aos usuarios na aplicación e
evitar o uso de filtros de contido (que están a popularizarse no móbil e
bloquean principalmente os anuncios).
Tras meses de experimentación, o produto xa está maduro, e asà Facebook decidiu
lanzalo masivamente, de xeito que calquera
usuario da aplicación para Android pode xa gozar dos artigos instantáneos, que xa están dispoñibles de máis de 350
publicacións de todo o mundo. Este servizo xa estaba dispoñible para iPhone,
pero ao chegar a Android supón a súa posta de longo real, xa que son moitos
millóns de usuarios os que agora comezarán a gozar dun novo xeito de ler novas
dende a Aplicación de Facebook.
- Nos artigos instantáneos temos contidos moi cómodos de ler no móbil, con gráficos de grande tamaño que os fan máis atractivos
Cos artigos instantáneos as novas
aparecen con gráficos de grande tamaño, vÃdeos que se reproducen de xeito
automático e con textos que aproveitan ao máximo o espazo en pantalla para
conseguir unha lectura confortable. Este tipo de contidos poderemos
identificalos porque na imaxe en miniatura dos artigos instantáneos aparece unha icona dun lóstrego, indicando asÃ
que ese contido non está nunha páxina web externa, senón que pode accederse a
el de xeito inmediato.
Os medios españois que contan xa coa posibilidade de ofrecer aos seus seareiros
os artigos instantáneos son
actualmente Cocina FacilÃsimo, Diario As, Diario Sport, El Huffington Post, El
PaÃs, El Mundo, El Periódico, FC Barcelona, La Vanguardia, Manualidades
FacilÃsimo, Marca, Mundo Deportivo e Playground.
- Os artigos instantáneos aparecen identificados cunha icona dun lóstrego