AMTEGA inicia en A Cañiza un ciclo formativo itinerante en ciberseguridade
venres, 17 de marzo do 2023
A
Axencia para a Modernización tecnolóxica de Galicia inicia o día
28 de marzo un novo ciclo formativo en materia de ciberseguridade
orientado a cidadanía, especialmente ás persoas maiores, e cun
contido específico para orientar a nais, pais ou titores sobre o uso
da tecnoloxía en menores. Baixo o lema O
teu día a día en liña, con seguridade as
actividades previstas teñen o obxectivo de
“non deixar a ninguén atrás en materia de competencias dixitais e
ciberseguridade”. Desenvolveranse de xeito presencial nas aulas
CeMIT de 17 concellos de toda Galicia e no centro GaiásTech, na
Cidade da Cultura.
O
prazo de inscrición xa está aberto e pode realizarse a través da
páxina web da Rede
CeMIT
ou de xeito presencial nas aulas de A
Cañiza,
Fisterra,
Ribeira,
Leiro,
O
Barco,
Abegondo,
Ortigueira,
Monforte,
Cuntis,
Celanova,
Cerceda,
Tomiño,
Ribadeo,
Quiroga,
A
Fonsagrada,
Betanzos, Gaiás
Tech
e Pontevedra.
As
xornadas farán foco “nos riscos cos que nos podemos atopar na
contorna virtual e exporán as medidas para poder previlos,
facilitando un uso seguro da tecnoloxía sen abusos”, explicou
AMTEGA, engadindo que estas actividades forman parte da
segunda edición do
devandito
ciclo, que se enmarca nas actividades do Nodo CIBER.gal para dar
cobertura ás necesidades da cidadanía, empresas e administracións
públicas en materia de ciberseguridade.
Calendario de charlas
– A Cañiza – 28 de marzo de 11:00 a 12:00 horas.
– Fisterra – 30 marzo de 17:00 a 18:30 horas.
– Ribeira – 3 de abril de 11:30 a 13:00 horas.
– Leiro – 4 de abril de 11.00 a 12:30 horas.
– O Barco – 5 de abril de 11:00 a 12:30 horas.
– Abegondo – 9 de maio de 11:00 a 12.30 horas.
– Ortigueira – 10 de maio de 11:00 a 12.30 horas.
– Monforte – 11 de maio de 12.00 a 13.30 horas.
– Cuntis – 15 de maio de 11:00 a 12:30 horas.
– Celanova – 16 de maio de 11:00 a 12:30 horas.
– Cerceda – 19 de maio de 12:30 a 14:00 horas
– Tomiño – 22 de maio de 11:30 a 13:00 horas
– Ribadeo – 23 de maio de 11:30 a 13:00 horas
– Pontevedra – 6 de xuño de 13.30 a 15:00 horas
– Quiroga – 12 de xuño de 12:30 a 13:30 horas
– A Fonsagrada – 20 de xuño de 12:00 a 13:00 horas
– Betanzos – 21 de xuño de 11:00 a 12:00 horas
– GaiásTech – 4 de maio de 16:00 a 17:30 horas
