APD e Arsys celebran este xoves o II Foro sobre Tecnoloxía e Negocio en Santiago

A Asociación para o Progreso da Dirección (APD), en colaboración con Arsys, celebran este xoves 16 de marzo en Santiago de Compostela a segunda edición do Foro APD sobre Tecnoloxía e Negocio. O encontro será inaugurado por Julián Cerviño, director de AMTEGA (Axencia para a Modernización Tecnolóxica de Galicia) e nel participarán representantes de GADISA, Adolfo Domínguez, CONGALSA, FINSA e Plexus Tech, entre outras empresas e centros, como por exemplo o Centro Tecnolóxico Gradiant, con sede en Vigo.
O foro abordará as tendencias tecnolóxicas para 2023, a visión desde a estratexia e afondará en mesas de debate máis específicas nos ámbitos cloud, Intelixencia Artificial e automatización de procesos.
O encontro abrirano Ana Sánchez, directora da zona noroeste de APD e Alejandro Vázquez, desenvolvedor de negocio en Arsys. Tras esta benvida, Julián Cerviño, director de AMTEGA, realizará a inauguración do encontro.
Tras a apertura celebraranse as diferentes intervencións da man de José María de Santiago, socio de estratexia e transformación tecnolóxica en Deloitte, Guillermo Arbelo, director xeral ACS en Arsys, Cristobal Ramos, socio director de desenvolvemento de negocio de Plexus, Fernando Fuentes, director de desenvolvemento de produto de Arsys, Jorge González, CIO de Adolfo Domínguez, Agustín Rodríguez, CFO de GADISA, Gabriel Gómez, director xeral de Marine Instruments, Sara Madariaga, responsábel de innovación en Arsys, Luis Pérez, director xeral do Centro Tecnolóxico Gradiant, Noemí Gil, CIO de CONGALSA e Gregorio González, responsábel de propiedade de produto e innovación TIC en FINSA.
O foro celebrarase en horario de 9.15 h a 13.15 horas, no Hotel OCA Puerta del Camino.