AS Computer reinaugura a súa tenda en Santiago de Compostela

xoves, 22 de marzo do 2012 Marcus Fernández

A reinauguración da tenda de AS Computer contou cunha asistencia masiva de público mozo

Esta tarde a tenda de AS Computer sita no número 4 da Avenida de Barcelona en Santiago de Compostela volveu a abrir as súas portas nunha festa con grande éxito de público, na que realizáronse sorteos e entregáronse distintos agasallos aos presentes, dinamizando unha reinauguración que chega a tempo para a estrea en España do novo iPad, dispositivo que en poucas horas centrará as miradas do que visiten a este Apple Premium Reseller.
Pese a que en España non existe a tradición de facer grandes colas fronte a tendas de Apple, o renovado establecemento compostelán logrou congregar nas súas portas a ducias de persoas dende a primeira hora da tarde, pese a que a apertura de portas non tería lugar ata as 19:00 horas, premiándose esta antelación con agasallos e sorteos de cheques de desconto por valor de 20 euros.
Xa dentro, realizáronse varios sorteos de reprodutores multimedia iPod, que pese a que parecen dispositivos que están a ser substituídos polos smartphones, continúan a gozar de boa saúde, como demostrou a atención que captaban entre os presentes.

A nova tenda presenta unha estética acorde coa imaxe de Apple

A nova tenda presenta unha aparencia moderna, moi propia das tendas de Apple, pero destacando por repartir o seu espazo en dúas alturas e permitir o seu acceso dende dúas avenidas (Mestre Mateo e Barcelona). AS Computer permite ver en primeira persoa o catálogo de produtos de Apple, contando tamén co asesoramento do seu persoal á hora de decidir a nosa compra ou de resolver distintos problemas, completando tamén a súa labor comercial con demostracións de produtos, obradoiros de balde e asistencia técnica personalizada, que conforman así un servizo completo de atención ao cliente que agradecerán os maqueiros composteláns e doutras poboacións galegas onde non haxa establecementos especializados en produtos da compañía de Cupertino.

En AS Computer premiaron aos primeiros en chegar ao establecemento antes da súa apertura
Neste Apple Premium Reseller poden verse en persoa os produtos da empresa de Cupertino, o que facilita elexir entre a súa ampla oferta
Ao evento non faltaron vellos coñecidos como o actor Totó García (O Divino Ferrete) ou Alberto Seoane (de Xanvilar)
O sorteo de varios iPod animou a inauguración
O persoal do establecemento axuda a solucionar as dúbidas sobre o mundo Apple
O iPad parece ser o produto estrela do catálogo de Apple
Os iPod continúan a captar bastante atención pese a ser uns produtos en declive

PUBLICIDADE