Brión oferta cursos de informática para as nenas e nenos do Concello

O Concello de Brión vén de anunciar a organización de cinco cursos de informática para cincuenta rapazas e rapaces do municipio, que terán lugar do vindeiro 6 de outubro ao 19 de decembro. Os cursos van dirixidos a nenas e nenos do concello de idades comprendidas entre os 4 e os 14 anos, os cales serán divididos en cinco grupos de acordo coas idades dos participantes, para asistir a cadansúa clase semanal entre as 17:30 e as 18:30 horas.
O prazo de inscrición estará aberto ata o vindeiro 26 de setembro na Casa da Cultura, se ben tamén se pode rexistra-la inscrición a través do teléfono 981 509 908 ou a través da web briondixital.org. A admisión realizarase por orde de inscrición e o prezo será de 20 euros por trimestre.