Cabify recibe unha valoración de 1.400 millóns de dólares

luns, 22 de xaneiro do 2018 Marcus Fernández

A popular compañía de transporte Cabify anunciou unha rolda de financiamento de 160 millóns de dólares á que acoden Rakuten Capital, o fondo TheVentureCity, Endeavor Catalyst e Gat Inversores, entre outros, e que supón a valoración da compañía en 1.400 millóns de dólares, de xeito que xa podería considerarse un unicornio (compañía valorada en máis de 1.000 millóns de dólares).
Cabify está actualmente presente en 14 países, e pretenden aproveitar a súa rolda de financiamento para consolidarse nos mercados nos que está presente, onde teñen que competir con xigantes como Uber. Bank of America considera que esta era a derradeira grande oportunidade para investir en Cabify, compañía cun grande potencial nun sector moi cambiante e que semella imparable.

PUBLICIDADE