Carballo e a Cruz Vermella volven xuntar forzas para dixitalizar ás persoas maiores
venres, 3 de febreiro do 2023
A
Concellaría de Terceira Idade de Carballo vai organizar máis
actividades formativas para reducir a fenda dixital no concello, a
que separa á xente que vive plenamente nas novas tecnoloxías da que
non conta cos recursos de capacitación e alfabetización dixital
para tirarlles partido, xeralmente persoas maiores. Así,
por terceiro ano consecutivo puxo en marcha cursos para que este
colectivo poida mellorar o manexo do teléfono móbil.
De
novo contarase para o desenvolvemento destas actividades co apoio da
Cruz Vermella, “para achegar ás persoas participantes os
coñecementos básicos sobre o funcionamento dos dispositivos e as
aplicacións que lles poden resultar de máis utilidade no seu día a
día, como enviar unha fotografía a un familiar ou pedir unha cita
para o médico sen necesidade de chamar ou achegarse ata o centro de
saúde”.
O
primeiro curso do ano celebrouse no Centro Social Escola de
Arrabaldes, no barrio da Milagrosa, coa participación de 15 persoas.
Os/as participantes recibiron a visita do alcalde, Evencio Ferrero, e
da concelleira de Terceira Idade, Mar Eirís, que se interesaron
polos avances conseguidos. Tamén se celebrou no Centro Social de
Aldemunde, os días 24, 25 e 31 de xaneiro.
Estes
son os que están pendentes:
Rus
(centro social): 1, 7 e 8 de febreiro
Vilela
(centro social): 14,15 e 22 de febreiro
Carballo
(lugar por definir): 23 e 28 de febreiro e 2 de marzo
As
persoas que queiran participar poden anotarse:
A
través das asociacións da súa parroquia e/ou dos consellos
parroquiais.
Na
Biblioteca Rego da Balsa.
Enviando
un correo electrónico a comunicacion@carballo.gal
